သူကလောင်လက်က
အဆက်မပြတ်
စက်သေနတ်ပစ်သလို
ကာရန်တွေ မရပ်မနား အစဉ်
ကဗျာသခင်တစ်ယောက် တဲ့
အော်---- ခုတော့
မစ်ဖိုင်းရား*
ပစ်တိုင်းမသွား
သစ်ကိုင်းနားတဲ့ ငှက်ကလေးတွေက
လှောင်လှယ်ပြနေ
ကာရန်တွေ မပီသ
ကျည်အနေတဲ့ သေနတ်တစ်လက်
မီးကျိုးမောင်းပျက်ဖြစ်နေ ။
ပြိုင်မြင်းတို့ခွာသံလို
ကာရန်တွေ တဖြောင်းဖြောင်း
ကဗျာဥာဏ်တွေ တဂျောင်းဂျောင်း
ထောင်းထောင်းကိုထ
မာနနဲ့ ကဗျာသမား
ခုတော့ ဘာဥာဏ်များမှ မထွက်
ခြေပျက်နေတဲ့ ကာရန်
ရွှေလက်မမှန် အရင်ဟန်များမရှိခဲ့
ချိနဲ့နဲ့ ပြိုင်မြင်းတစ်ကောင်လို
ညဉ်းချင်းတောင် မဆိုနိုင်ပေါ့ ။
စစ် …… အချစ်
စနစ် …….. ခေတ်
အလှ …….. ဓမ္မ
ဓန -------- ဘ၀
ရသတွေ အရှိန်ပြင်းပြင်း
စီးရစ်နေတဲ့ ကဗျာမြစ်
ခုတော့ ဘာတွေဖြစ်
စာအသစ်တွေ မထွက်နိုင်
လက်မှိုင်ချကာ ပမ်း
အချက်မပိုင်ကာ မှန်း
တစ်ပတ်နွမ်းစကားလုံးတွေနဲ့
ကဗျာဥာဏ်တွေ မလန်း
စာဟန်တွေ မဆန်း
ကာရန်ခန်းတဲ့မြစ်
ကျွန်ုပ်ဖြစ်နေပေါ့ ။
No comments:
Post a Comment